قالوا : "مراية الحب عامية" ،،، قلت الرك على اللي كان بيبص فيها ،،،،
قالوا : "على أد لحافك مد رجليك" ،،، قلت بدل ما تتني رجليك هاتلك لحاف على مقاسك،،،،
قالوا : "ابن الوز عوام" ،،، قلت ده لو كان في مياه يبلبط فيها ،،،
قالوا : "صاحب بالين كداب" ،،، قلت يعني أبو بال واحد كان عمل بيه أيه ،،،،
قالوا : "يدي الحلق للي بلا ودان" ،،،قلت ما كان يسيحه ويعمله خاتم ،،،،
قالوا : "القرش الابيض ينفع في اليوم الاسود" ،، قلت يبقى اجري اصرفه دلوقتي ،،،
قالوا : "اللي انهاردة بفلوس بكرة يبقى ببلاش" ،،، قلت يبقى انهاردة اخر يوم في عمرك ،،،
قالوا : "الدم عمره مايبقى مياه" ،،، قلت هو حد لاقي المياه من اصله،،،
قالوا: "العشرة متهونش غير على ولاد الحرام" ،، قلت عيييييييييب ، كده يبقى نص البلد اولاد غير شرعيين،،
قالوا : "مين خرج من داره اتقل مقداره" ،،، قلت إلا لو كان لابس بدلة عليها القيمة ونضارة شمس أصلية ،،،
قالوا : "الكدب مالوش رجلين"،،،قلت ربنا يخلي لنا الأطراف الصناعية ،،،
قالوا : "اللي متعرفش ترقص تقول الأرض عوجة"،،،قلت ده قصر ديل يا أذعر ،،
قالوا : "ان كان حبيبك عسل متلحسوش كله"،،،قلت وان كان بلااااص لغوص فيه ،،،
قالوا : "ان فاتك الميري اتمرمغ في ترابه"،،،قلت ياخي هع هع هعععععععععععععععع
ليست هناك تعليقات:
إرسال تعليق